“Ziyo sari bir qadam” tanlov loyihasining navbatdagi soni tashkil etildi.

---

Joriy yilning 12-may sanasida Do‘stlik tuman axborot-kutubxona markazi tomonidan yoshlar o‘rtasida kitobxonlik madaniyatini yuksaltirish, mutolaa orqali ularning ma’naviy dunyosini boyitish hamda badiiy adabiyotga qiziqishini oshirish maqsadida “Ziyo sari bir qadam” tanlov loyihasining navbatdagi soni tashkil etildi.

Mazkur tanlov Ahmad Lutfiy Qozonchining “Bir vijdon uyg‘onur” asari asosida o‘tkazildi. Tadbir davomida ishtirokchilarga asarda ilgari surilgan vijdon, mehr-oqibat, insoniy fazilatlar va ma’naviy qadriyatlar haqida ma’lumot berildi. Shuningdek, qatnashchilar asar voqealari yuzasidan tayyorlangan 30 ta savolga yozma ravishda javob taqdim etdilar.

Tanlov yakunida faol ishtirok etgan kitobxonlar Do‘stlik tuman axborot-kutubxona markazi tomonidan diplom hamda homiylar tomonidan taqdim etilgan 200 ming so‘mlik pul mukofoti bilan taqdirlandilar.

Bunday ma’naviy-ma’rifiy tadbirlar yoshlar qalbida kitobga mehr uyg‘otish, ularni ezgulik va yuksak insoniy fazilatlar ruhida tarbiyalashda muhim аhamiyat kasb etadi. Hamkorlik uchun homiylarimizga alohida minnatdorchilik bildiramiz.