Yosh kitobxonlar uchun “Shum bola” hamda “Toshkent non shahri” kinofilmlari namoyish etildi.

---

Joriy yilning may oyida Do‘stlik tuman axborot-kutubxona markazida yosh kitobxonlar uchun “Shum bola” hamda “Toshkent non shahri” kinofilmlari namoyish etildi. Tadbir davomida o‘quvchilar filmlar orqali xalqimiz tarixining muhim va unutilmas sahifalari bilan yaqindan tanishish imkoniga ega bo‘ldilar.

🎬Film namoyishidan so‘ng kutubxona xodimi M. Rahimova tomonidan o‘quvchilar bilan samimiy suhbat tashkil etildi. Suhbat jarayonida filmlarning mazmun-mohiyati, urush yillaridagi og‘ir sinov va mashaqqatlar, inson matonati hamda bugungi tinch va osoyishta hayotning qadriga yetish haqida atroflicha fikr almashildi.

✨Tadbir yoshlarning tarixiy xotirasini boyitish, vatanparvarlik tuyg‘ularini mustahkamlash hamda milliy qadriyatlarga hurmat ruhida tarbiyalashga xizmat qildi.