“Yosh huquqshunos” respublika ko‘rik-tanlovining tuman bosqichi yuqori saviyada tashkil etildi.

---

Joriy yilning 9-iyun sanasida Do'stlik tuman Ichki ishlar bo‘limi bilan hamkorlikda Do'stlik tuman umumta’lim maktablarining 14–17 yoshli o‘quvchilari o‘rtasida “Yosh huquqshunos” respublika ko‘rik-tanlovining tuman bosqichi yuqori saviyada tashkil etildi.
Mazkur tanlovning asosiy maqsadi yoshlarning huquqiy bilimlarini mustahkamlash, ularning qonunchilikka bo‘lgan qiziqishini oshirish, huquqiy madaniyatini yuksaltirish hamda faol va bilimli yoshlarni aniqlab, qo‘llab-quvvatlashdan iborat bo‘ldi.
📗Tanlovda tumandagi 12 nafar iqtidorli o‘quvchi ishtirok etdi. Bellashuv ikki shart asosida o‘tkazildi. Birinchi shartda ishtirokchilar huquqiy bilimlarini test sinovlari orqali namoyon etdilar. Ikkinchi shartda esa og‘zaki savol-javob jarayonida o‘zlarining huquqiy savodxonligi, fikrlash qobiliyati va hozirjavoblik darajalarini ko‘rsatdilar.
Qizg‘in va murosasiz bahslar ostida kechgan tanlov yakunlariga ko‘ra, eng yuqori natijani ko‘rsatgan Oltinbekova Gulsevar faxrli 1-o‘rinni egalladi hamda “Yosh huquqshunos” respublika ko‘rik-tanlovining viloyat bosqichida ishtirok etish yo‘llanmasini qo‘lga kiritdi.
📌Tadbir yakunida g‘olib va faol ishtirokchilar tashkilotchilar tomonidan diplom, esdalik sovg‘alari hamda tashakkurnomalar bilan taqdirlandilar.
Bunday tanlovlar yoshlarning huquqiy ongini yuksaltirish, qonunlarga hurmat ruhida tarbiyalash va kelajakda malakali huquqshunos kadrlarni voyaga yetkazishda muhim ahamiyat kasb etadi.