"Yagona Vatan, yagona xalq bo'lib yangi hayot va kelajak yaratamiz" shiori ostida rahbar va yoshlar uchrashuvi tashkil etildi.

---

Joriy yilning 16-iyul sanasida Doʻstlik tuman axborot-kutubxona markazida Oʻzbekiston Respublikasi mustaqilligining 35 yilligi munosabati bilan "Yagona Vatan, yagona xalq bo'lib yangi hayot va kelajak yaratamiz" shiori ostida rahbar va yoshlar uchrashuvi tashkil etildi.
Tadbirning asosiy maqsadi yoshlar qalbida Vatanga sadoqat, milliy qadriyatlarga hurmat, kitobxonlik madaniyatini yuksaltirish hamda ularning ma'naviy dunyosini boyitishga xizmat qiluvchi muhitni shakllantirishdan iborat bo‘ldi.
Uchrashuv avvalida axborot-kutubxona markazi bibliografi Munira Raximova o‘zining hayot yo‘li, mehnat faoliyati va orttirgan tajribalari haqida samimiy fikr-mulohazalarini bildirdi. Suhbat davomida bugungi tinch va farovon hayotning qadriga yetish, Vatanga muhabbat, yurt ravnaqi yo‘lida fidoyilik bilan xizmat qilish hamda yoshlarning jamiyat taraqqiyotidagi o‘rni haqida atroflicha so‘z yuritildi. Yoshlar o‘zlarini qiziqtirgan savollarga batafsil javob olib, uchrashuvdan muhim hayotiy xulosalar chiqardilar.
Tadbir davomida Oʻzbekiston xalq yozuvchisi Primqul Qodirovning "Avlodlar dovoni" asari yuzasidan kitob sharhi o‘tkazildi. Sharh jarayonida asarda aks etgan ajdodlar merosi, tarixiy xotira, milliy g‘urur, vatanparvarlik va yuksak insoniy fazilatlarning badiiy talqini haqida fikr yuritildi. Shuningdek, asarning g‘oyaviy mazmuni hamda yoshlar tarbiyasidagi o‘rni alohida ta’kidlandi.
Shuningdek, ishtirokchilar o‘rtasida "Kitobni toping" va "Kitob muallifini toping" nomli intellektual o‘yinlar hamda qiziqarli viktorinalar tashkil etildi. Faol ishtirok etgan yoshlar o‘z bilim va topqirliklarini namoyon etib, kitobxonlik borasidagi bilimlarini yanada mustahkamladilar.