Xotira va qadrlash kuniga bag‘ishlab tadbir o‘tkazildi

---

Xotira va qadrlash kuniga bag‘ishlab tadbir o‘tkazildi

Do‘stlik tumanida Xotira va qadrlash kuni hamda Ikkinchi jahon urushida qozonilgan buyuk Gʻalabaning 81 yilligi munosabati bilan tadbir bo‘lib o‘tdi. Unda tuman rahbariyati, mehnat faxriylari, yoshlar va keng jamoatchilik vakillari ishtirok etdilar.

Bayram tadbirida tuman hokimi Shavkat Darvishev ishtirokchilarni samimiy qutladi.

Tadbirda ta’kidlanganidek, bu yilgi bayramlari “Burch, jasorat, matonat” shiori ostida o‘tkazilmoqda.

Prezidentimiz Shavkat Mirziyoyev ta’biri bilan aytganda, Ikkinchi jahon urushida o‘zbekistonlik harbiylar jahon xalqlari bilan yelkadosh bo‘lib, beqiyos qahramonlik va fidoyilik ko‘rsatganlar.

Tadbirda urush davridagi xalq jasorati ham e’tirof etildi. O‘zbekiston mudofaa fondiga 475 million rubl, 22 million rubllik shaxsiy buyumlar topshirgan, 1,5 millionga yaqin evakuatsiya qilingan kishilarga boshpana bergan, 250 ming yetim bolaga mehr ko‘rsatgan.

Hozirda faxriylarning fidokorona xizmatlarini yodda tutish, ularga ehtirom ko‘rsatish, yosh avlodni vatanparvarlik va tinchlikka bo‘lgan mas’uliyat ruhida tarbiyalash asosiy vazifalardan biri sifatida belgilab olingan.

Tadbirda tuman Madaniyat bo‘limi jamoalari tomonidan sahna ko‘rinishlari, badiiy chiqishlar namoyish etildi.

Marosim tuman tashkilot, korxona va muassasalari vakillari tomonidan Motamsaro ona haykali poyiga gulchambarlar qo‘yilishi bilan yakuniga yetdi.