“Tushda kechgan umrlar” romani yuzasidan kitob taqdimoti tashkil etildi.

---

Joriy yilning 23-sentyabr kuni o‘zbek xalqining taniqli yozuvchisi O‘tkir Hoshimovning mashhur “Tushda kechgan umrlar” romani yuzasidan kitob taqdimoti tashkil etildi. Tadbirda 14-maktabning faol kitobxon, adabiyotga qiziquvchi o‘quvchilari ishtirok etdilar.
💬Tadbir davomida o‘quvchi Jalolova Durdona tomonidan O‘tkir Hoshimovning hayoti va ijodiy faoliyati haqida tayyorlangan mazmunli prezentatsiya namoyish etildi. Unda adibning o‘zbek adabiyotidagi o‘rni, yaratgan asarlari hamda ijodining o‘ziga xos jihatlari haqida qiziqarli ma’lumotlar berildi.
🗣Shundan so‘ng kutubxona xodimi tomonidan yozuvchining “Tushda kechgan umrlar” romani mazmuni batafsil yoritib berildi. Asarda aks etgan inson taqdiri, urushning inson hayotiga ta’siri, jamiyatdagi murakkab jarayonlar, insoniy qadriyatlar va hayot haqiqatlari haqida so‘z yuritildi. Asardagi voqealar va qahramonlar taqdiri orqali o‘quvchilarga romanning g‘oyaviy mazmuni yanada chuqurroq tushuntirildi.
✅Tadbirning yakuniy qismida ona tili va adabiyot fani o‘qituvchisi Nazarova Lola tomonidan asar muhokamasi tashkil etildi. O‘quvchilarga asar yuzasidan fikrlashga, o‘z munosabatini bildirishga undovchi munozarali savollar berildi. Faol kitobxonlar o‘z fikrlarini erkin bayon qilib, asardagi voqealar va qahramonlar haqida o‘zaro fikr almashdilar.
✨Mazkur tadbir o‘quvchilarning kitobxonlikka bo‘lgan qiziqishini oshirish, O‘tkir Hoshimov ijodini chuqurroq o‘rganish hamda badiiy asarlarni tahlil qilish ko‘nikmalarini rivojlantirishga xizmat qildi.