“Ranglar jilosi” nomli rasmlar tanlovi tashkil etildi.

---

Do‘stlik tuman axborot-kutubxona markazi xodimlari tomonidan ko‘chma kutubxona faoliyati doirasida 5-sonli maktabgacha ta’lim tashkilotida bolalarning ijodiy qobiliyatlarini rivojlantirish, tasavvur dunyosini boyitish hamda iste’dodlarini yuzaga chiqarish maqsadida “Ranglar jilosi” nomli rasmlar tanlovi tashkil etildi.
Tanlovda tarbiyalanuvchilar o‘zlari chizgan rang-barang rasmlari bilan faol ishtirok etdilar. Bolalar ona tabiat, Vatan, oila, do‘stlik, tinchlik va bolalik mavzularida yaratgan ijodiy ishlarini namoyish etdilar.
Har bir rasmda bolalarning beg‘ubor qalbi, keng tasavvuri va ijodkorligi o‘z aksini topdi. Ishtirokchilarning ishlari tomoshabinlarda katta taassurot qoldirdi hamda ularning san’atga bo‘lgan qiziqishini namoyon etdi.
Bunday tadbirlar bolalarda estetik didni shakllantirish, ijodiy fikrlashni rivojlantirish, mustaqil tasavvur qilish qobiliyatini oshirish hamda o‘z iste’dodlarini namoyon etishlari uchun keng imkoniyat yaratadi.