"O‘tkir Hoshimov ijodi – ma’naviyat xazinasi" nomli kitob ko‘rgazmasi tashkil etildi.

---

Do‘stlik tuman axborot-kutubxona markazi xodimlari tomonidan O‘zbekiston xalq yozuvchisi O‘tkir Hoshimov tavalludi munosabati bilan "O‘tkir Hoshimov ijodi – ma’naviyat xazinasi" nomli kitob ko‘rgazmasi tashkil etildi.
Ko‘rgazmada adibning xalqimiz ma’naviyati, insonparvarlik, mehr-oqibat, vatanparvarlik va yuksak axloqiy fazilatlarni tarannum etuvchi sara asarlari namoyish qilindi. O‘tkir Hoshimovning boy ijodiy merosi kitobxonlarni ezgulikka, halollikka, inson qadrini ulug‘lashga hamda hayotning mazmuni haqida chuqur mushohada yuritishga undaydi.
Mazkur ko‘rgazmaning asosiy maqsadi kitobxonlarni yozuvchining sermazmun ijodi bilan yaqindan tanishtirish, mutolaa madaniyatini rivojlantirish, ayniqsa, yosh avlod qalbida kitobga mehr va adabiyotga qiziqishni yanada oshirishdan iborat.
O‘tkir Hoshimovning asarlari bugungi kunda ham o‘zining hayotiyligi, samimiyligi va chuqur falsafiy mazmuni bilan kitobxonlar qalbidan munosib o‘rin egallab, avlodlarni ezgu qadriyatlar ruhida tarbiyalashga xizmat qilib kelmoqda.