“Men sevgan qahramon” shiori ostida maʼnaviy-maʼrifiy davra suhbati tashkil etildi.

---

Joriy yilning 9-iyun sanasida Doʻstlik tuman axborot-kutubxona markazi xodimlari tomonidan 1-umumiy oʻrta taʼlim maktabining yozgi sogʻlomlashtirish lageri tarbiyalanuvchilari ishtirokida “Men sevgan qahramon” shiori ostida maʼnaviy-maʼrifiy davra suhbati tashkil etildi.
💎Bunda bolalar adabiyotining sevimli namoyandalaridan biri boʻlgan Xudoyberdi Toʻxtaboyevning hayoti va ijodi haqida qiziqarli maʼlumotlar berildi. Shuningdek, adibning mashhur Sariq devni minib asari mazmuni, undagi qahramonlar obrazi hamda asarning tarbiyaviy ahamiyati yuzasidan suhbat oʻtkazildi.

🔖Suhbat jarayonida oʻquvchilarga asar mazmuni va qahramonlariga oid savollar berildi. Ishtirokchilar savollarga faol qatnashib, oʻz bilimlari, tezkor fikrlashi va topqirliklarini namoyon etdilar. Ayniqsa, asar qahramonlari haqidagi fikr-mulohazalar bolalarda kitob mutolaasiga boʻlgan qiziqish yuqori ekanligini koʻrsatdi.
Tadbirning keyingi qismida turli mantiqiy va qiziqarli savollar berilib, bolajonlar ularga chaqqonlik va zukkolik bilan javob qaytardilar.
📚Davra suhbati ishtirokchilarda kitob oʻqishga boʻlgan qiziqishni yanada oshirish, ularning dunyoqarashini kengaytirish hamda bo‘sh vaqtlarini mazmunli tashkil etishga xizmat qildi.