“Mehr kutubxonasi” loyihasi doirasida kitobxonlarga kutubxona xizmati ko`rsatilmoqda

---

Joriy yilning 27-aprel sanasida Doʻstlik tuman Axborot-kutubxona markazi xodimlari tomonidan “Mehr kutubxonasi” loyihasi doirasida Gʻofur Gʻulom MFYda istiqomat qiluvchi Qahramonova Kunbuvi onaga kutubxona xizmati ko‘rsatildi.

Tashrif davomida kutubxonamiz fondidagi eng sara adabiyotlar taqdim etilib, kitobxonning qiziqishlari asosida tanlab olishiga imkon yaratildi. Qahramonova Kunbuvi ona o‘qish uchun “Tungi qotillik”, “Komila”, “Amirlikning oltin taxti” hamda “Kechikkan qasos” nomli kitoblarni tanlab oldilar.

Mazkur loyiha aholi, ayniqsa, nuroniylar o‘rtasida kitobxonlik madaniyatini rivojlantirish, ularni maʼnaviy jihatdan qo‘llab-quvvatlash hamda kitobga bo‘lgan qiziqishni yanada oshirishga xizmat qilmoqda.