“Kutubxona — bolalar nigohida” nomli sayohat tashkil etildi.

---

Bolalar nigohida olam naqadar rang-barang va betakror. Ayniqsa, endigina maktab ostonasiga qadam qo‘yish arafasida turgan jajji bolalarning tasavvurida kitob va kutubxonaga bo‘lgan qiziqish alohida ahamiyat kasb etadi. Ularning qalbida mutolaaga mehr uyg‘otish, kitobning inson hayotidagi o‘rni va kutubxonaning imkoniyatlari haqida tushuncha hosil qilish bugungi kunning muhim vazifalaridan biridir.

💎Shu maqsadda Do‘stlik tuman Axborot-kutubxona markazi xodimlari tomonidan joriy yilning 6-may sanasida 7-sonli maktabgacha ta’lim muassasasining tayyorlov guruhi tarbiyalanuvchilari ishtirokida “Kutubxona — bolalar nigohida” nomli sayohat tashkil etildi.

📌Sayohat davomida bolajonlarga kutubxonaning bo‘limlari, kitob fondi hamda kitobxonlar uchun yaratilgan qulaylik va imkoniyatlar haqida qiziqarli tarzda ma’lumotlar berildi.