“Kitobxon ona va bolalar” ishtirokida davra suhbati tashkil etildi.

---

Joriy yilning 22-oktyabr sanasida Do‘stlik tuman axborot-kutubxona markazida 3-son musiqa va san’at maktabi bilan hamkorlikda “Mutolaa va ma’rifat — barkamol avlod poydevori” mavzusida “Kitobxon ona va bolalar” ishtirokida davra suhbati tashkil etildi.

📖Suhbat davomida Mahmudxo‘ja Behbudiyning “Padarkush” dramasi mazmuni so‘zlab berilib, asarning tarbiyaviy ahamiyati, ilm-ma’rifatning inson hayotidagi o‘rni hamda farzand tarbiyasining muhim jihatlari haqida fikr yuritildi.

Shuningdek, bolajonlar ishtirokida matematikaga oid qiziqarli metodika o‘tkazilib, ularning mantiqiy fikrlashi, zehni va topqirligini rivojlantirishga e’tibor qaratildi. Mazkur davra suhbati kitobxonlik madaniyatini yuksaltirish, yosh avlodning bilim olishga bo‘lgan qiziqishini oshirish va oilada mutolaa an’analarini keng targ‘ib etishga xizmat qildi.