“Kitobxon ona va bola” shiori ostida “Kitobli oila – maʼrifatli maskan” mavzusida davra suhbati tashkil etildi.

---

Joriy yilning 8-iyun sanasida Doʻstlik tuman axborot-kutubxona markazi xodimlari tomonidan “Kitobxon ona va bola” shiori ostida “Kitobli oila – maʼrifatli maskan” mavzusida davra suhbati tashkil etildi.

Davra suhbatida Gʻafur Gʻulom mahallasining Bogʻishamol koʻchasida istiqomat qiluvchi onalar va ularning farzandlari ishtirok etdilar. Davra suhbatida tadbirning maqsad va vazifalari haqida batafsil maʼlumot berilib, kitob mutolaasining inson kamolotidagi oʻrni, oilada kitobxonlik muhitini shakllantirish hamda yosh avlodni kitob oʻqishga keng jalb etish masalalari yuzasidan fikr almashildi. Ishtirokchilar oʻrtasida mavzu doirasida bahs-munozaralar tashkil etilib, kitobxonlik madaniyatini rivojlantirishga oid taklif va mulohazalar bildirildi.

Davra suhbati davomida turk yozuvchisi Ahmad Lutfi Qozonchining “Bir vijdon uygʻonur” asari mazmuni haqida soʻz yuritilib, asarda ilgari surilgan maʼnaviy-axloqiy gʻoyalar, insoniy fazilatlar va vijdon tarbiyasining ahamiyati ishtirokchilarga tushuntirib berildi. Tadbir yakunida kitob mutolaasining shaxs kamoloti va maʼnaviy yuksalishdagi oʻrni alohida taʼkidlandi.