"Kitobxon ona va bola millat poydevori " nomli davra suhbati tashkil qilindi.

---

Bugungi kunda yosh avlodning tafakkuri, dunyoqarashi va maʼnaviy olamini boyitishda kitobning o‘rni beqiyosdir. Ayniqsa, farzand tarbiyasida onaning o‘rni beqiyos bo‘lgani kabi, kitob o‘qishga muhabbat uyg‘otishda ham ilk qadam aynan oiladan, onaning mehridan boshlanadi.

Shu maqsadda  joriy yilning 3- dekabr sanasida  Do'stlik tuman axborot-kutubxona markazida  kitobxon onalar va bolalar ishtirokida "Kitobxon ona va bola millat poydevori " nomli  davra suhbati tashkil qilindi.Davra suhbati davomida kitobxon onalar tomonidan kitobxonlik va kitob o'qish madaniyati haqida o'z fikr va mulohazalarini bildirib o'tishdi.Jumladan kitobxon onalardan biri Axmedova Nazokat shunday deydi: Oilada kitobxonlik madaniyatini mustahkamlash, farzandlarimizda bilimga chanqoqlik, kitobga mehr uyg‘otish, ona va bola o‘rtasidagi mehr-muhabbat rishtalarini yanada mustahkamlashga xizmat qiladi.Kitob – insonni ulg‘aytiradi, fikrini charxlaydi, dunyosini kengaytiradi. Ona o‘qigan kitob – bolaga ibrat, bola qo‘liga olgan kitob – kelajak sari tashlangan eng to‘g‘ri qadamdir. Farzandlarimizning intellektual rivojida, ularning maʼnaviy dunyoqarashi  boy bo‘lib voyaga yetishida kitobxon oilaning hissasi beqiyosdir. Shundan so'ng  kutubxona xodimlari tomonidan Aldanganni aldama kitobi taqdimoti tashkil qilinib  kitobdagi bir biridan qiziqarli vamazmunli hikoya va qissalari  yoritib berildi. Shu bilan birga  asar muallifini top, she'rni davom ettiring, bu qaysi asardan kabi qiziqarli kitobxonlik o'yinlari tashkil qilindi. Tadbir juda qiziqarli va mazmunli bo'lib o'tdi va barchaga birdek manzur bo'ldi.