"Kitobxon Ona-ma'rifatli avlod tayanchi" nomli davra suhbati tashkil qilindi.

---

Joriy yilning 16-dekabr sanasida Do'stlik tuman axborot-kutubxona markazi xodimlari tomonidan "Kitobsevar millat" shiori ostida Kutubxonamizda kitobxon onalar ishtirokida "Kitobxon Ona-ma'rifatli avlod tayanchi" nomli davra suhbati hamda Ulug'bek  Xamdamning "Bizdan rozi bo'ling Ota" kitob taqdimoti tashkil etildi.Tadbirning asosiy maqsadi onalarning oilada kitobxonlik madaniyatini shakllantirishdagi o'rni, farzand tarbiyasida ota-onaga hurmat va e'tibor masalalarini targ'ib qilish, shuningdek million va madaniy qadriyatlarni mustahkamlashdan iborat bo'ldi. Davra suhbati davomida  ishtirokchilar asarda ko'tarilgan Ota-ona roziligi, farzandlik burchi, hayotiy ma'suliyat kabi mavzular yuzasidan fikrlar almashishdi. Kitobdagi ibratli voqealar, chuqur ma'naviy mazmun onalar tomonidan katta qiziqish bilan muhokama qilindi. Tadbir yakunida kitobxonlikni targ'ib etish,  oilaviy mutolaa madaniyatini shakllantirish bo'yicha taklif va mulohazalar bildirildi. Ushbu uchrashuv  ishtirokchilarda kitobga bo'lgan qiziqishni yanada oshirdi hamda ma'naviy- ma'rifiy ahamiyatga ega bo'ldi. Tadbir davomida 12 nafar kitobxon onalar faol ishtirok etishdi.