“Kitoblar olamiga sehrli sayohat” nomli ekskursiya tashkil etildi.

---

Joriy yilning 4-may sanasida “Binafsha” MMTB tayyorlov guruhi tarbiyalanuvchilari uchun “Kitoblar olamiga sehrli sayohat” nomli ekskursiya tashkil etildi. Ushbu ekskursiya davomida bolajonlar kutubxona faoliyati, undagi kitob fondi hamda kitoblardan foydalanish qoidalari bilan yaqindan tanishdilar.

Tadbir jarayonida kichkintoylarga kutubxona bo‘limlari, bolalar adabiyotlari, ertak va hikoyalar to‘plamlari haqida qiziqarli ma’lumotlar berildi. Shuningdek, ular uchun turli rang-barang va mazmunli kitoblar namoyish etilib, kitobga bo‘lgan qiziqishlarini yanada oshirishga alohida e’tibor qaratildi.

Sayohat davomida bolalar sevimli ertak qahramonlari haqida suhbat qurib, kitob o‘qishning foydasi va ahamiyati haqida dastlabki tushunchalarga ega bo‘ldilar. Ular kutubxonada o‘zini tutish qoidalari, kitoblarni asrab-avaylash kabi muhim ko‘nikmalarni ham o‘rgandilar.

Mazkur tadbir kichkintoylarning dunyoqarashini kengaytirish, ularni kitobsevarlik ruhida tarbiyalash hamda kelajakda faol kitobxon bo‘lib yetishishlariga mustahkam zamin yaratdi.