"Kitoblar olamiga sayohat" nomli ekskursiya tashkil etildi.

---

Do‘stlik tuman axborot-kutubxona markazida Do‘stlik tuman Davlat arxivi xodimlari ishtirokida "Kitoblar olamiga sayohat" nomli ekskursiya tashkil etildi.
Tadbir davomida ishtirokchilar axborot-kutubxona markazining elektron o‘quv zali, boy kitob fondi, faol kitobxonlar burchagi hamda markazda amalga oshirilayotgan kitobxonlikni rivojlantirishga qaratilgan loyihalar bilan yaqindan tanishdilar. Shuningdek, ularga kutubxonada yaratilgan zamonaviy shart-sharoitlar, ko‘rsatilayotgan axborot-kutubxona xizmatlari hamda kitobxonlar uchun mavjud imkoniyatlar haqida batafsil ma’lumot berildi.
Sayohat yakunida mehmonlar mutolaa bilan shug‘ullanib, kitoblarning inson ma’naviyati va tafakkurini yuksaltirishdagi o‘rni haqida o‘z taassurotlari bilan o‘rtoqlashdilar. Bunday tanishtiruv tadbirlari aholining kitobxonlik madaniyatini yuksaltirish va kutubxonaga bo‘lgan qiziqishini oshirishga xizmat qilmoqda.