“Kitob — jamiyat tafakkuri ko‘zgusi” nomli ijtimoiy-siyosiy adabiyotlar ko‘rgazmasi va davra suhbati tashkil etildi.

---

 Joriy yilning 7-sentyabr sanasida Do‘stlik tuman axborot-kutubxona markazi xodimlari tomonidan Ixtisoslashtirilgan maktabida faol kitobxon o‘quvchilar ishtirokida “Kitob — jamiyat tafakkuri ko‘zgusi” nomli ijtimoiy-siyosiy adabiyotlar ko‘rgazmasi va davra suhbati tashkil etildi.
🗣Tadbir davomida ijtimoiy-siyosiy yo‘nalishdagi adabiyotlarning mazmun-mohiyati, ularning yoshlar dunyoqarashini kengaytirish, mustaqil fikrlash va jamiyatdagi jarayonlarga ongli munosabat bildirishdagi ahamiyati haqida fikr yuritildi.
Ko‘rgazmadan o‘rin olgan kitoblar o‘quvchilarga tanishtirilib, ularda aks etgan dolzarb mavzular yuzasidan suhbat olib borildi. Faol kitobxonlar o‘zlarini qiziqtirgan savollar bilan ishtirok etib, kitoblar orqali jamiyat, inson, ma’naviyat va taraqqiyot masalalarini yanada chuqurroq anglash mumkinligi haqida fikrlarini bildirdilar.
💬Davra suhbati samimiy muloqot va qizg‘in fikr almashuvlar ruhida o‘tdi. O‘quvchilar o‘z qarashlarini erkin ifodalab, kitob mutolaasi insonning nafaqat bilimini, balki hayotga bo‘lgan munosabati va fuqarolik pozitsiyasini ham shakllantirishida muhim omil ekanini ta’kidladilar.