Hurlik qo‘shig‘i. ✍️ Muallif: Bekzod Karimov

---

Hurlik qo‘shig‘i🔘

 

O‘ttiz besh yil oldin tug‘ildi quyosh,

Ozodlik nuridan porladi bu bosh.

Zanjirlar uzildi, sindi qafaslar,

Erkinlik gashtidan oldik nafaslar.

 

Vatanim, sen asli qadimiy makon,

Temuriy shoningdan hayratda jahon.

Bugun qadding baland, mag‘rursan ona,

Farzandlar kamoling aylaydi tana.

 

Dalangda baraka, bog‘ingda guldur,

Har bir yutug‘ingdan ko‘ngillar chog‘dur.

Yoshlar intilishi — ertangi zafar,

Barcha sohalarda boshlandi safar.

 

Bayrog‘ing hilpirar moviy osmonda,

Tinchlik barqarordir O‘zbekistonda.

Istiqlol ne’mati — eng oliy baxtim,

Seni asramoqlik — iymonim, ahdim.

 

Yashnagaysan mangu, ey ona diyor,

Senga fido bo‘lsin qalbdagi bu qon.

Tandagi jonimsan, ko‘zim qarosi,

O‘ttiz besh yoshning shonli sadosi!

 

✍️ Muallif: Bekzod Karimov