Do‘stlik tumanida hokim va yoshlar uchrashuvi bo‘lib o‘tdi

---

Do‘stlik tumanida hokim va yoshlar uchrashuvi bo‘lib o‘tdi

Payshanba — Yoshlar kuni munosabati bilan Do‘stlik tumani Axborot-kutubxona markazida tuman hokimi Shavkat Darvishevning bitiruvchi hamda tadbirkor yoshlar bilan ochiq muloqoti tashkil etildi.

Uchrashuv samimiy va erkin muloqot ruhida o‘tib, unda yoshlar o‘zlarini qiziqtirayotgan masalalar, kelgusidagi rejalari va tashabbuslari yuzasidan fikr-mulohazalarini bildirdi. Ayniqsa, bitiruvchi yoshlarning bandligini ta’minlash, kasb-hunar egallash, oliy ta’limga yo‘naltirish, tadbirkor yoshlarning biznes g‘oyalarini qo‘llab-quvvatlash, imtiyozli kreditlar va yangi loyihalarni amalga oshirish masalalariga alohida e’tibor qaratildi.

Muloqot davomida tuman hokimi Shavkat Darvishev har bir murojaat va taklifni diqqat bilan tinglab, ularni ijobiy hal etish hamda istiqbolli tashabbuslarni ro‘yobga chiqarish bo‘yicha mutasaddi tashkilotlar rahbarlariga tegishli vazifalarni belgilab berdi.

Bunday ochiq uchrashuvlar yoshlarning fikrini tinglash, ularning salohiyatini ro‘yobga chiqarish va Do‘stlik tumanida faol, tashabbuskor hamda muvaffaqiyatli yoshlar safini kengaytirishda muhim ahamiyat kasb etadi.