Do‘stlik tumani hokimi Shavkat Darvishev tomonidan Axborot-kutubxona markazida tumanning bir guruh faol yoshlari bilan uchrashib, ochiq muloqot o‘tkazdi.

---

Рayshanba - Yoshlar kuni

Shu yilning 24 fevral kuni Davlatimiz rahbari tomonidan yoshlar bilan ularning tashabbuslarini qo‘llab-quvvatlashga bag‘ishlangan ochiq muloqot o‘tkazilgan edi. Unda yoshlarni har tomonlama qo‘llab-quvvatlash, ularning bandligini ta’minlash, tashabbuslarini rag‘batlantirish borasida qator muhim topshiriqlar berildi.

Mazkur yig‘ilishda haftaning har payshanba kuni “Yoshlar kuni” sifatida belgilanib, joylarda yoshlar bilan ishlash tizimini yanada kuchaytirish vazifasi aniq belgilab berildi.

Shu munosabat bilan bugun Do‘stlik tumani hokimi Shavkat Darvishev tomonidan Yoshlar shaharchasida joylashgan Axborot-kutubxona markazida tumanning bir guruh faol yoshlari bilan uchrashib, ochiq muloqot o‘tkazdi.

Muloqot davomida mamlakatimiz rahbari tomonidan yoshlarga qaratilayotgan yuksak e’tibor va g‘amxo‘rlik, yaratib berilayotgan imkoniyatlar hamda ularning tumandagi ijrosi alohida ta’kidlandi. Yoshlarga mavjud imkoniyatlardan samarali foydalanish, o‘z bilim va salohiyatlarini rivojlantirish bo‘yicha tavsiyalar berildi.

Shuningdek, uchrashuv davomida yoshlarning muammo va takliflari tinglanib, ayniqsa, bandlikni ta’minlash, imtiyozli kreditlar ajratish, kitobxonlik madaniyatini oshirish kabi dolzarb masalalar muhokama qilindi. Murojaatlarning aksariyati shu joyning o‘zida ijobiy hal etildi, mas’ullarga tegishli topshiriqlar berildi.

Uchrashuv yakunida bunday ochiq muloqotlarni har hafta muntazam tashkil etib borishga kelishib olindi. Bu esa yoshlar bilan ishlash tizimini yangi bosqichga olib chiqishga xizmat qiladi.