Do‘stlik tuman sport markazi hamkorligida 30 yoshdan yuqori aholi vakillari o‘rtasida shaxmat va shashka musobaqasining sektor bosqichi o‘tkazildi.

---

Do‘stlik tuman axborot-kutubxona markazi, O‘zbekiston Mahallalar uyushmasi Do‘stlik tuman bo‘linmasi hamda Do‘stlik tuman sport markazi hamkorligida 30 yoshdan yuqori aholi vakillari o‘rtasida shaxmat va shashka musobaqasining sektor bosqichi o‘tkazildi.
Mazkur musobaqadan ko‘zlangan asosiy maqsad aholi o‘rtasida sog‘lom turmush tarzini targ‘ib qilish, intellektual o‘yinlarga bo‘lgan qiziqishni oshirish hamda bo‘sh vaqtni mazmunli tashkil etishdan iborat bo‘ldi.
Musobaqa jarayonida ishtirokchilar o‘zlarining mantiqiy fikrlashi, strategik yondashuvi va mahoratini namoyon etdilar. Tadbir qizg‘in va ko‘tarinki ruhda o‘tib, g‘olib hamda faol ishtirokchilar munosib taqdirlandi.