"Bilimlar sari intilish" deb nomlangan sayohat tashkil etildi.

---

Joriy yilning 9-iyun sanasida Do‘stlik tuman axborot-kutubxona markazi xodimlari tomonidan kutubxonaga tashrif buyurgan kitobxonlar uchun "Bilimlar sari intilish" deb nomlangan sayohat tashkil etildi. Sayohat davomida ishtirokchilarga kutubxona faoliyati, zamonaviy xizmat turlari hamda kitobxonlar uchun yaratilgan qulay sharoitlar haqida batafsil ma’lumot berildi.
✨Shuningdek, kitobxonlar "Omadli kitobxon" loyihasi bilan yaqindan tanishtirilib, ushbu loyiha orqali kitob mutolaasini keng targ‘ib etish va faol kitobxonlarni rag‘batlantirish maqsadlari tushuntirildi. Bundan tashqari, elektron o‘quv zali imkoniyatlari, undan foydalanish tartibi hamda elektron axborot resurslaridan samarali foydalanish yo‘llari haqida amaliy ko‘rsatmalar berildi.