"Bayroqning jilosida yurt ruhi" nomli badiiy musiqiy kecha tashkil qilindi.

---

Joriy yilning 18-noyabr sanasida Do'stlik tuman axborot-kutubxona markazi xodimlari tomonidan Do'stlik tuman Abu Ali Ibn Sino nomidagi Jamoat salomatlik texnikumi bilan hamkorlikda "Bayroqning jilosida yurt ruhi" nomli badiiy musiqiy kecha tashkil qilindi.Tadbirning asosiy maqsadi talabalarda davlat ramzlariga hurmat, milliy qadriyatlarimizga sadoqat, yurtga mehr va g'ururni kuchaytirishdan iborat bo'ldi. Tadbir O'zbekiston Respublikasi Davlat madhiyasi bilan boshlandi .Shundan so'ng texnikum o'quvchilari va talabalariga Davlat bayrog'i yaratilish tarixi, undagi rang va ramzlarning manosi, bayroqning davlatimiz mustaqilligi timsoli sifatida o'rni haqida ma'lumotlar berildi. Kecha davomida talaba yoshlar tomonidan Vatan bayrog'imizga bag'ishlangan she'rlar ,sahna ko'rinishlari hamda musiqiy chiqishlar namoyish etildi. Badiiy kompazitsiyalar orqali bayrog'imizning tarixiy ahamiyati, xalqimizning ozodlikga intilish, milliy birlik g'oyalari yorqin ifoda etildi.Tadbir yakunida ishtirokchilarga davlat ramzlariga hurmat bilan munosabatda bo'lish, bayrog'imizni ulug'lash hamda Vatanga sadoqatli bo'lish borasida targ'ibot- tashviqot fikrlari bildirildi. Kecha mazmunli, ruhiy ko'tarinki va tarbiyaviy ahamiyatga ega holda o'tkazildi. Tadbir davomida 60 nafar talaba ishtirok etdi.