“Baxtli oila — jamiyat tayanchi” nomli adabiyotlar ko‘rgazmasi tashkil etildi.

---

Joriy yilning 15-may kuni "15-may — Xalqaro oila kuni" munosabati bilan Axborot-kutubxona markazida “Baxtli oila — jamiyat tayanchi” nomli adabiyotlar ko‘rgazmasi tashkil etildi.

📖Mazkur ko‘rgazmada oila muqaddasligi, oilaviy qadriyatlar, farzand tarbiyasi hamda odob-axloq mavzulariga bag‘ishlangan kitoblar keng namoyish qilindi. Jumladan, A.Fitratning “Oila va oilani boshqarish tartiblari” asari hamda “Yosh xonim uchun odobnoma” kitoblari haqida kitobxonlarga batafsil ma’lumot berildi.

💎Tadbir davomida oilada mehr-oqibat, o‘zaro hurmat va ma’naviy tarbiyaning jamiyat taraqqiyotidagi o‘rni alohida ta’kidlandi. Ko‘rgazma kitobxonlarda oilaviy qadriyatlarga bo‘lgan hurmatni yanada mustahkamlashga xizmat qildi.