"Bag'rikenglik mening nazdimda" nomli yosh kitobxonlar o'rtasida rasmlar tanlovi tashkil etildi.

---

Joriy yilning 13-noyabr sanasida Do'stlik tuman axborot-kutubxona markazi xodimlari tomonidan  Bag'rikenglik haftaligi doirasida "Bag'rikenglik mening nazdimda" nomli  yosh kitobxonlar o'rtasida rasmlar tanlovi tashkil etildi. Tanlovning asosiy maqsadida yosh avlod  ongida bag'rikenglik mehr-oqibat va insonparvarlik tuyg'ularini mustahkamlash, ularni turli millat, din  va madaniyati vakillariga nisbatan bag'rikenglik ruhida tarbiyalashdan iborat. Tanlovda ishtirok etgan yosh kitobxonlar o'z ijodiy ishlar orqali bag'rikenglikning o'zlaricha talqinini , insonlar o'rtasida do'stlik tinchlik va hamjihatlik g'oyalarini aks    ettirdilar. Ularning har biri o'zining betakror fikrini rasm orqali ifodalab, mehr va sabr to'la asarlarini yaratdi. Tanlov so'nggida Isoqov Javohir g'oliblikni qo'lga kiritdi va axborot-kutubxona markazi tomonidan taqdirlandi.