Aleksandr Sergeyevich Pushkin tavalludining 227 yilligi munosabati bilan 1-maktab bilan hamkorlikda “Pushkin asarlari bilan ma’naviyat sari” nomli davra suhbati tashkil etildi.

---

Joriy yilning 4-iyun sanasida Do‘stlik tuman axborot-kutubxona markazi xodimlari tomonidan buyuk rus shoiri va yozuvchisi Aleksandr Sergeyevich Pushkin tavalludining 227 yilligi munosabati bilan 1-maktab bilan hamkorlikda “Pushkin asarlari bilan ma’naviyat sari” nomli davra suhbati tashkil etildi.
Davra suhbati davomida o‘quvchilarga Pushkinning hayoti va ijodi haqida batafsil ma’lumot berildi. Uning bolalik yillari, adabiyotga bo‘lgan qiziqishi qanday shakllangani hamda ijodiy faoliyati haqida so‘z yuritildi. Adibning ayanchli vafoti haqidagi ma’lumotlar o‘quvchilarda katta taassurot qoldirib, uning hayoti va ijodiga bo‘lgan qiziqishni yanada oshirdi.
Tadbir davomida Pushkinning bolalar uchun yozilgan “Baliqchi va baliq haqida ertak” asari mazmuni aytib berildi. Shuningdek, davra suhbati qiziqarli savol-javoblar, “Kim chaqqon?” o‘yini hamda interaktiv mashg‘ulotlar bilan davom ettirildi.
Mazkur tadbirda 16 nafar o‘quvchi-yoshlar ishtirok etdi.