Abdulla Qahhor tavalludining 119 yilligiga bag‘ishlangan ma’naviy-ma’rifiy tadbir tashkil etildi.

---

Joriy yilning 14-sentabr sanasida Do‘stlik tuman axborot-kutubxona markazida faol kitobxonlar hamda kitobxonlar klubi a’zolari ishtirokida o‘zbek adabiyotining atoqli namoyandasi, mohir hikoyanavis va dramaturg Abdulla Qahhor tavalludining 119 yilligiga bag‘ishlangan ma’naviy-ma’rifiy tadbir tashkil etildi.
💬Tadbir davomida Abdulla Qahhorning o‘zbek adabiyoti rivojiga qo‘shgan beqiyos hissasi, uning hayoti va ijodiy faoliyati haqida atroflicha ma’lumotlar berildi. Adibning o‘ziga xos ijod uslubi, hayotiy voqealarni teran kuzatishi, inson ruhiyatini nozik tasvirlay olishi hamda asarlarida jamiyatdagi muhim masalalarni yoritgani alohida ta’kidlandi.
Tadbir ishtirokchilariga yozuvchining “O‘g‘ri”, “Bemor”, “Anor”, “Dahshat”, “Sinchalak”, “Sarob” kabi mashhur asarlari haqida ma’lumot berilib, ushbu asarlarning mazmun-mohiyati, tarbiyaviy ahamiyati va bugungi kun kitobxonlari uchun qadr-qimmati haqida fikr almashildi.
🗣Shuningdek, faol kitobxonlar tomonidan Abdulla Qahhor ijodiga oid fikr-mulohazalar bildirildi, adibning asarlaridan parchalar o‘qib eshittirildi. Ijodkorning hayoti va faoliyatiga oid qiziqarli ma’lumotlar ishtirokchilarda katta taassurot qoldirdi.
Mazkur tadbir yoshlar va kitobxonlarda o‘zbek adabiyotiga, milliy adabiy merosimizga bo‘lgan qiziqishni yanada oshirish, buyuk adiblar ijodini keng targ‘ib etish hamda mutolaa madaniyatini rivojlantirishga xizmat qildi.