26-mart sanasida “Ultimatum” o‘quvchilari ishtirokida davra suhbati tashkil etildi.

---

Do‘stlik tuman axborot-kutubxona markazi xodimlari tomonidan joriy yilning 26-mart sanasida “Ultimatum” o‘quvchilari ishtirokida davra suhbati tashkil etildi.

Davra suhbatida O‘tkir Hoshimovning “Dunyo ishlari” asari mazmuni keng yoritilib, ishtirokchilarga so‘zlab berildi. Mazkur tadbirdan ko‘zlangan asosiy maqsad — o‘quvchilarning kitobxonlikka bo‘lgan qiziqishini oshirish, asar mazmunini chuqur anglash hamda undan hayotiy xulosa chiqarishga yo‘naltirishdan iborat bo‘ldi.

Suhbat davomida o‘quvchilar asarda yoritilgan voqealar, xususan, insoniylik, mehr-oqibat, halollik va ota-onaga hurmat kabi muhim qadriyatlar yuzasidan o‘z fikr-mulohazalarini bildirdilar. Shuningdek, asardagi qahramonlar hayoti orqali oddiy, ammo mazmunli hayotiy saboqlar berilishi alohida ta’kidlandi.

Davra suhbati savol-javoblar, fikr almashish hamda kichik munozaralar bilan boyitildi. Bu esa o‘quvchilarning mustaqil fikrlash qobiliyatini yanada rivojlantirishga xizmat qildi.

Ushbu tadbirda jami 15 nafar o‘quvchi ishtirok etdi.