1-umumiy oʻrta taʼlim maktabining 9-sinf oʻquvchilari ishtirokida buyuk mutafakkir Umar Xayyom hayoti va ijodiga bagʻishlangan davra suhbati boʻlib oʻtdi.

---

Joriy yilning 23-may sanasida Doʻstlik tuman axborot-kutubxona markazi xodimlari hamda 1-umumiy oʻrta taʼlim maktabining 9-sinf oʻquvchilari ishtirokida buyuk mutafakkir Umar Xayyom hayoti va ijodiga bagʻishlangan davra suhbati boʻlib oʻtdi.

Davra suhbati davomida Umar Xayyomning boy ilmiy va adabiy merosi haqida batafsil maʼlumot berildi. Taʼkidlanganidek, buyuk alloma astronomiya sohasida ham samarali faoliyat olib borib, rasadxona tashkil etishda faol ishtirok etgan hamda yil hisobini aniq belgilash ustida ilmiy izlanishlar olib borgan. Umar Xayyom tomonidan tuzilgan taqvim oʻz davrining eng mukammal taqvimlaridan biri sifatida eʼtirof etilgan.

Shuningdek, Umar Xayyom adabiyot olamida chuqur maʼnoga ega ruboiylari bilan mashhur ekani alohida qayd etildi. Uning ruboiylarida hayot mazmuni, inson qadri, vaqtning oʻtkinchiligi, muhabbat va ezgulik kabi mavzular oʻz aksini topgan. Shoir oʻz ijodi orqali insonlarni ilm olishga, tafakkur qilishga hamda hayotning har bir daqiqasini qadrlashga chorlaydi.